काठामाडौं । घोडीघोडा लघुवित्त वित्तीय संस्था लिमिटेडको छैठौं वार्षिक साधारण सभा पुस १० गते हुने भएको छ । सभा बिहान १० बजे होटल रुबस बैयावेहडी धनगढी कैलालीमा हुने कम्पनीले जनाएको छ ।
कम्पनीको मंसिर १० गते बसेको सञ्चालक समितिको बैठकले साधारण सभा गर्ने निर्णय गरेको हो । सभाको प्रस्तावमा आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने र २०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने रहेको छ ।
यस लघुवित्त वित्तीय संस्था र युनिक लघुवित्त वित्तीय संस्था बीच २०७७ कात्तिक २१ गते मर्जर सम्बन्धी प्रारम्भिक समझदारी भएकाले हाल यस घोडीघोडा लघुवित्तको शेयर कारोबार रोक्का रहेको कम्पनीले यसै सुचना मार्फत जानकारी दिएको छ ।
