काठमाडौं । आज शुक्रवार नेपाली बजारमा सुनको मूल्य सामान्य घटेको छ । हिजो बिहीवार दुई सय रुपैयाँले बढेको सुनको मूल्य आज शुक्रवार एक सय रुपैयाँले घटेको नेपाल सुनचाँदी व्यवसायी महासंघले जनाएको छ ।
नेपाल सुनचाँदी व्यवसायी महासंघका अनुसार आज शुक्रवार छापावाला सुन प्रतितोला ९४ हजार ४ सय रुपैयाँमा कारोबार भएको छ । हिजो बिहीवार छापावाला सुनको मूल्य प्रतितोला ९४ हजार ५ सय रुपैयाँमा कारोबार भएको थियो ।
त्यसैगरी, आज तेजाबी सुन प्रतितोला ९३ हजार ९ सय रुपैयाँमा कारोबार भएको छ । हिजो बिहीवार तेजाबी सुन प्रतितोला ९४ हजार रुपैयाँमा कारोबार भएको थियो ।
यस्तै, शुक्रवार चाँदीको मूल्य पनि घटेको छ । बिहीवार प्रतितोला १ हजार २८० रुपैयाँमा कारोबार भएको थियो । आज शुक्रवार ५ रुपैयाँले घटेर १ हजार २७५ रुपैयाँमा किनबेच भइरहेको नेपाल सुनचाँदी व्यवसायी महासंघले जनाएको छ ।
