काठमाडौं । आरविवि मर्चेन्ट बैंंकिङ लिमिटेडको छैठौं वार्षिक साधारण सभा सम्पन्न भएको छ । सभा सञ्चालक समितिका अध्यक्ष एवम् राष्ट्रिय वाणिज्य बैंक लिमिटेडका नायव प्रमुख कार्यकारी कविराज अधिकारीको अध्यक्षतामा सम्पन्न भएको हो ।
सभा राष्ट्रिय वाणिज्य बैंकको केन्द्रीय कार्यालय सिंहदरवार प्लाजा, काठमाडौंमा सम्पन्न भएको हो । साधारण सभाले १० प्रतिशत नगद लाभांश सहित आर्थिक वर्ष २०७७/७८ को वार्षिक प्रतिवेदन छलफल गरी पारित पारित गरेको छ ।
साथै सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गरेको छ । नाफा, नोक्सान हिसाव, नगद प्रवाह लगायतका वित्तीय एजेण्डाहरुमाथि छलफल गरी पारित गरेको छ ।
सभाले आर्थिक वर्ष२०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने, कम्पनीको नियमावलीमा संशोधन गर्ने प्रस्ताव पनि पारित गरेको छ ।
बैंकका प्रमुख कार्यकारी अधिकृत किरण कुमार श्रेष्ठले हाल शहरी क्षेत्रमा मात्र सीमित रहेको मर्चेन्ट बैकिङ सेवालाई ग्रामीण क्षेत्रमा समेत विस्तार गर्ने दुरदराजमा रहेका जनताहरुले पनि मर्चेन्ट बैकिङ सेवा लिन सकिने वातावरण बनाउने बताए ।
