काठमाडौं । एनएमबि बैंकले भिडियो केवाईसी एक भिडियो कलमा आधारित ५ मिनेटमै देश वा विदेशमै रही खाताखोली कारोबार गर्न सकिने नयाँ योजना ल्याएको छ । यस सेवामार्फत अब ग्राहकहरूले एनएमबि बैंकमा भिडियो कलमार्फत अनलाइनमा नयाँ खाता खोल्नुका साथै आफ्नो केवाईसी विवरणहरू पूरा अपडेट गर्न सक्नेछन् ।
यस सेवाले ग्राहकहरूको लागि घरमै बसी बैंकिङ्ग कारोबार सहज बनाउनुको साथै पारदर्शिता, त्रुटिरहित र कागजविहीन बैंकिङ्ग सेवा प्रदान गर्ने प्रतिबद्धता जनाएको छ।
यसैबीच बैंकले लोकप्रिय युवा अभिनेता तथा समाज सेवी पल शाहलाई बैंकको ब्राण्ड एम्बेस्डर नियुक्त गरेको छ । बैंकले शाहसँग द्विपक्षीय समझदारी भएको जनाएको छ ।
