काठमाडौं । प्राइम कमर्सियल बैंकले आफ्नो स्वामित्वमा रहेको नेरुडे लघुवित्त वित्तीय संस्थाको संस्थापक शेयर आजदेखि लिलामीमा विक्री गर्ने भएको छ ।
बैंकले लघुवित्तको १ लाख १३ हजार ५ सय कित्ता संस्थापक शेयर विक्री गर्न लागेको हो । न्यूनतम मूल्य प्रतिकित्ता ४ सय रुपैयाँ तोकिएको हुँदा सो वा सो भन्दा बढी मूल्य अंकित गरी बोलपत्र पेश गर्नु पर्नेछ ।
बोलपत्रमा विद्ययमान संस्थापक शेयरधनी लगायत अन्य इच्छुक व्याक्ति, फर्मकम्पनी तथा संगठित संस्थाहरुले आवेदन दिन सक्नेछन् । इच्छुक आवेदकले मंसिर १ गतेसम्म बोलपत्र पेश गर्न सक्ने जानकारी गराएको छ ।
उक्त शेयर खरीदको लागि आवेदकले बोलपत्र पेश गर्दा न्यूनतम १ हजार कित्ताको लागि आवेदन दिनु पर्नेछ भने अधिकतम सबै शेयर संख्याको लागि आवेदन दिन सक्नेछन् ।
विक्री प्रबन्धक सानिमा क्यापिटल पुतलिसडक रहेको छ । मंसिर १ गते अपरान्ह ३ बजेसम्म प्राप्त भएका बोलपत्र मंसिर २ गते अपरान्ह ४ बजे सानिमा क्यापिटल पुतलिसडकमा बोलपत्रदाता वा निजको प्रतिनिधिको रोहवरमा खाल्ने जनाएको छ ।
