काठमाडौं । गुराँस लघुवित्त वित्तीय संस्था लिमिटेडले छैठौ बार्षिक साधारणसभा आज कात्तिक २२ गते सोमबार हुने भएको छ । कम्पनीको असोज ३१ गते बसेको संचालक समितिको १०३ औं बैठकले उक्त सभाको मिति तय गरेको हो ।
सभामा गत आर्थिक बर्षको प्रस्तावित लाभांश स्वीकृत गर्ने, लेखा परीक्षकको नियुक्ति गर्ने , अन्य लघुवित्तलाई प्राप्ति तथा मर्जरको लागि अख्तियारी दिने, लगायतका एजेन्डाहरु साधारणसभामा पेश हुनेछ ।
लघुवित्तले गत आर्थिक बर्षको कमाइबाट १६ दशमलव ९० प्रतिशत बोनश र कर प्रयोजनका लागि ० दशमलव ८९ प्रतिशत नगद गरि कुल १७ दशमलव ८० प्रतिशत लाभांश प्रस्ताव गरेको छ। सभामा उक्त प्रस्तावित लाभांश समेत पारित हुनेछ ।
साधारणसभाले संस्थापक समुहबाट चार जना संचालक निर्वाचन तथा मनोनित गर्ने प्रस्ताव समेत पारित गर्नेछ ।
कम्पनीले साधारणसभा प्रयोजनार्थका लागि कात्तिक ८ देखि २२ गतेसम्मका लागि बुक क्लोजको मिति तय गरेको छ। त्यसकारण आज कात्तिक ७ गतेसम्म कायम सेयरधनीधरुले मात्र साधारणसभामा भाग लिन, लाभांश प्राप्त गर्न सक्नेछन् ।
हाल लघुवित्तको चुक्ता पूँजी ८ करोड ३४ लाख रुपैयाँ रहेको छ। बोनश शेयर वितरण पश्चात लघुवित्तको चुक्ता पूँजी ९ करोड ७५ लाख पुग्नेछ।
