काठमाडौं । गरिमा विकास बैंक लिमिटेडले साहारा विकास बैंक लिमिटेडलाई प्राप्ति गरी कात्तिक २८ गतेदेखि एकीकृत कारोबार शुरु गर्ने भएका छन् । गरिमा विकास बैंकको भदौ १५ गते र सहारा विकास बैंकको भदौ १२ गते बसेको छुट्टाछुट्टै साधारण सभामार्फत दुवै कम्पनीले प्राप्ति सम्बन्धी प्रस्ताव पारित गरेका थिए ।
नेपाल राष्ट्र बैंकले कात्तिक १ गते र कम्पनी रजिष्ट्रार कार्यालयले कात्तिक ११ गते प्राप्तिका लागि अन्तिम स्वीकृति पश्चात दुवै कम्पनीले एकीकृत कारोबार गर्न लागेका हुन् ।
दुवै कम्पनी एक भई गरिमा विकास बैंक लिमिटेडको नामबाट एकीकृत कारोबार शुरु गर्न लागेका हुन् । प्राप्ति पश्चात कम्पनीको केन्द्रिय ९रजिष्टर्ड० कार्यालय काठमाडौं महानगरपालिका वडा नं। २, लाजिम्पाटमा रहने जनाएको ।
गरिमा विकासले सहारा विकासलाई १ बराबर १ को शेयर आदानप्रदान रेशियोमा प्राप्ति गरेको हो । अब लगानीकर्ताले सहारा विकासको १ कित्ता शेयर बराबर गरिमा विकासको १ कित्ता नै शेयर पाउनेछन् ।
