काठमाडौं । सांग्रिला डेभलपमेण्ट बैंकको लाभांश सुरक्षित गर्ने अन्तिम दिन दिन रहेको छ । कम्पनीले साधारण सभा र लाभांश वितरण प्रयोजनको लागि भोलि कात्तिक ५ गतेदेखि १६ गतेसम्म शेयरधनीदर्ता पुस्तिका बन्द गर्ने भएसँगै आजसम्म कायम शेयरधनीले साधारण सभामा भाग लिन र लाभांश पाउने छन् ।
कम्पनीले गत आर्थिक वर्षको मुनाफाबाट शेयरधनीलाई १० प्रतिशत बोनश शेयर र शून्य दशमलव ५२ प्रतिशत नगद लाभांश कर प्रयोजनको लागि वितरण गर्न लागेको हो ।
उक्त लाभांश प्रस्तावको लागि कम्पनीले आगामी कात्तिक १६ गते साधारण सभा बोलाएको छ । सभा लैनचौर ब्याक्वेट, लैनचौरमा बिहान १० बजेदेखि शुरु हुने छ ।
सभामा अन्य बैंक तथा वित्तीय संस्थासँग मर्जर वा एक्विजिशनमा जानु परेमा सम्पूर्ण कामको अख्तियारी सञ्चालक समितिलाई प्रदान गर्ने प्रस्ताव पनि पारित हुनेछ ।
