काठमाडौं । नेपाल राष्ट्र बैंकको निर्देशन पछि नेपाल इन्भेष्टमेन्ट बैंकले लाभांश परिमार्जन भएको छ । नेपाल राष्ट्र बैंकको निर्देशन बमोजिम बैंकले यस अगाडी घोषणा गरेको १६ प्रतिशत लाभांशलाई यथावत कायम राखी बोनस शेयरको हिस्सा बढाइएको छ ।
बैंकले यस भन्दा अगाडि ११.२४ प्रतिशत बोनश शेयर र ४.७६ प्रतिशत नगद लाभांश घोषणा गरेको थियो । परिमार्जन पछि शेयरधनीहरुले १२.६१ प्रतिशत बोनश शेयर र बोनश शेयरमा लाग्ने कर प्रयोजन सहित ३.३८९ प्रतिशत नगद लाभांश प्राप्त गर्ने भएका छन् ।
बैंकको हालको चुक्ता पूँजी १६ अर्ब २५ करोड रुपैयाँ रहेको छ । प्रस्तावित बोनश शेयर पछि बैंकको चुक्ता पूँजी १८ अर्ब ३० करोड रुपैयाँ पुग्ने भएको छ । शेयरधनीहरुले कर सहित ५५ करोड ९ लाख रुपैयाँ नगद पनि प्राप्त गर्ने छन् । राष्ट्र बैंकबाट उक्त लाभांशका लागि निर्देशन भएकाले अव बैंकले साधारणसभा बोलाउन सक्ने छ । साधारणसभाले प्रस्तावित लाभांश पारित पछि मात्रै शेयरधनीहरुले पाउने छन् ।
4169eb3feb91a5f55a0b961e426dc3dd
