काठमाडौं । गोरखा नगरपालिकाले आरम्भ चौतारी लघुबित्त वित्तीय संस्था शाखा कार्यालय देउराली गोरखालाई सम्मान गरेको छ । वित्तीय संस्थाले कोरोना महामारीको समयमा गोरखा नगरपालिकाले संचालन गरेको सबैले मास्क लगाउ भन्ने अभियान लाई सफल पार्न स्वास्थ सामाग्री उपलब्ध गराएको थियो । सोही कुरालाई मध्यनजर गर्दै संस्थाले वित्तीय काम मात्र नभई सामाजिक काम पनि गरेको भन्दै नगरपालिकाले सम्मान गरेको हो ।
नगरपालिकाले स्वास्थ तर्फको बार्षिक समिक्षाको अवसर पारी संस्थाको शाखा कार्यालय देउराली गोरखाको शाखा प्रमुख चोक बहादुर माझीलाई सम्मान प्रत्र प्रदान गरेको हो । यसै अवसरमा संस्थालाई नगरपालिकाले सम्मान गरेकोमा खुशी ब्यक्त गर्दै संस्थाले वित्तीय काम मात्र नभई समाजिक कामहरु पनि गरिरहेको शाखा प्रमुखले बताए ।
