काठमाडौं । दोर्दी खोला जलविद्युत् कम्पनी लिमिटेडले वार्षिक साधारण सभा असोज ६ गते हने भएको छ । कम्पनीले सभा बिहान ११ बजे कम्पनीको कार्यालय त्रिपुरेश्वरमा हुने बताएको छ । सभाले आर्थिक वर्ष २०७७/ ७८ को वार्षिक प्रतिवेदन छलफल गरी पारित गर्नेछ ।
साथै सभाले आर्थिक वर्ष २०७८/ ७९ को लागि लेखापरिक्षकको नियुक्त र निजको पारीश्रमिक निर्धारण गर्ने प्रस्ताव पनि पारित गर्नेछ । त्यसैगरी सभाले प्रबन्धपत्र र नियमावली संशोधन गर्ने, नियमक निकायहरुको निर्देशनमा प्रबन्धक तथा नियमावलीका प्रस्तावित संशोधनहरुमा परिमार्जन तथा थपघट गर्न आवश्यक भएमा सो गर्न सञ्चालक समिथिलाई अख्तियारी प्रदान गर्ने विषेश प्रस्ताव रहेको छ ।
उक्त कम्पनीले २९ लाख ५१ हजार ९२९ कित्ता आईपीओ निष्काशन गर्नका लागि नियामक निकाय नेपाल धितोपत्र बोर्डमा निवेदन दिइसकेको छ । बोर्डबाट स्वीकृती पाएपछि कम्पनीले आईपीओ निष्काशन गर्नेछ ।
विक्री प्रबन्धकमा सिद्धार्थ क्यापिटल लिमिटेड रहेको छ ।
