काठमाडौं । दोर्दी खोला जलविद्युत् कम्पनी लिमिटेडले असोज ६ गते वार्षिक साधारण सभा गर्ने भएको छ । कम्पनीको साउन २७ गते बसेको संचालक समितिको बैठकले उक्त सभाको मिति तय गरेको हो । सभा त्रिपुरेश्वरस्थित कम्पनीको कार्यालयमा बिहान ११ बजे गर्ने जनाएको छ । कोरोना भाइरसको जोखिमलाई मध्यनजर गर्दै सभा जुम मार्फत संचालन गर्ने समेत कम्पनीले बताएको छ ।
सभाले आर्थिक वर्ष २०७७/ ७८ को वार्षिक प्रतिवेदन छलफल गरी पारित गर्नुका साथै लेखापरीक्षण प्रतिवेदन, वासलात नाफा नोक्सान हिसाब तथा नगद प्रवाह विवरण छलफल गरी पारित गर्नेछ । त्यसैगरी, लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पारित गर्ने जनाउको छ ।
त्यस्तै, सभामा प्रबन्धपत्र र नियमावली संशोधन गर्ने, नियमक निकायहरुको निर्देशनमा प्रबन्धक तथा नियमावलीका प्रस्तावित संशोधन गरी थपघट गर्न आवश्यक भएमा सो गर्न सञ्चालक समितिलाई अख्तियारी प्रदान गर्ने विषेश प्रस्ताव पनि पारित गर्ने एजेण्डा रहेको छ ।
कम्पनीले साधारणसभा प्रयोजनको लागि भदौ २२ गतेदेखि बुक क्लोज गर्ने निर्णय गरेको छ । त्यसैले भदौ २१ गतेसम्म कायम शेयरधनीले मात्र सभामा भाग लिन पाउनेछन् ।
