काठमाडौं। नेप्सेको निमित्त प्रमुख कार्यकारी अधिकृतको जिम्मेवारी निरन्जन फुयालले पाएका छन् । नेप्से संचालक समितिले प्रमुख कार्यकारी अधिकृत चन्द्र सिंह साउदले पदबाट राजिनामा दिएसंगै अर्को ब्यबस्था नहुँदासम्मको लागि फुयाललाई निमित्त प्रमुख कार्यकारी अधिकृतको जिम्मेवारी दिएको हो ।
साउदले श्रीमतीको नाममा सर्वोत्तम सिमेन्टको शेयर खरिद गरेका उनले कानुन अनुसार शेयर खरिद गर्न पाउने तर छानविनमा सहयोग पुर्याउन नैतिकताको आधारमा राजिनामा दिएको बताएका थिए । कार्यकाल सकिनु भन्दा ५ हप्ता अगाडी उनको राजिनामा गरेका हुन् ।
सीईओ साउदले भाद्र ८ गते राजिनामा दिएका थिए । सर्वोत्तम सिमेन्टको भित्री कारोबार गरेको प्रमाणित भए पछि उनलाई अर्थमन्त्रालयले पटक पटक स्पष्टिकरण माग गरेको थियो ।
