काठमाडौं । अपि पावर कम्पनी लिमिटेडले अवितरित हकप्रद शेयर बाँडफाँड तथा रकम फिर्ता गरेको छ । कम्पनीले साउन २४ गतेदेखि २८ गतेसम्म लिलामीमा मार्फत विक्री गरेको अवितरित हकप्रद शेयर बाँडफाँड गरेको हो ।
कम्पनीले यसअघि साउन १३ गतेदेखि २० गतेसम्म हकप्रद शेयर विक्री खुला गर्दा विक्री हुन नसकेको २ लाख १५ हजार ५९९ कित्ता संस्थापक शेयर लिलामी प्रक्रिया मार्फत विक्री खुला गरेको हो ।
बोलपत्रको अन्तिम मूल्य ४८१ रुपैयाँ रहेको र उक्त मूल्यमा बोलपत्र पेश गर्नेको हकमा ४६ प्रतिशतका दरले बाँडफाँड गरिएको कम्पनीले जनाएको छ । शेयर विक्री प्रबन्धकमा मुक्तिनाथ क्यापिटल लिमिटेड रहेको छ ।
तोकिएको अवधिभित्र प्राप्त बोलपत्र कम्पनीले साउन २४ गते बाँडफाँड गरेको हो । उक्त बाँडफाँडमा नपरेको शेयर बापतको शेयर साउन ३१ गतेदेखि सम्बन्धित आवेदकहरुको बैंक खातामै रकमान्त्तर गरिने कम्पनीले बताएको छ ।
