काठमांडौ । रैराङ हाइड्रोपावर कम्पनी लिमिटेडले गत आर्थिक वर्ष २०७७/७८ को चौथो त्रैमासको वित्तीय विवरण सार्वजनिक गरेको छ । यस अवधिसम्म कम्पनीको खुद मुनाफा अघिल्लो आर्थिक वर्षको सोही अवधिको तुलनामा ३७५ दशमलव ७६ प्रतिशतल बृद्धि भएको छ । यस अवधिमा कम्पनीले ५ करोड ९० लाख १८ हजार रुपैयाँ नाफा आर्जन गरेको छ । गत आर्थिक वर्षको सोही अवधिमा कम्पनीले १ करोड २४ लाख ५ हजार रुपैयाँ मात्र नाफा गरेको थियो ।
समिक्षा अवधिमा कम्पनीकोचुक्ता पुँजी ५६ करोड रुपैयाँ रहेको छ । कम्पनीको जगेडा कोषमा ७ करोड ५३ लाख ८१ हजार रुपैयाँ संचिती रहेको छ ।
यस अवधिमा कम्पनीको विद्युत बिक्री आम्दानीमा पनि बढेको छ । समिक्षा अवधिमा कम्पनीले विद्युत बिक्रीबाट हुने आम्दानी पनि ३८.९८ प्रतिशतले बृद्धि गरेको छ । यस अवधिमा कम्पनीले विद्युत विक्रीबाट २४ करोड २३ लाख ६० हजार रुपैयाँ आम्दानी गरेको छ । गत आर्थिक वर्षको सोही अवधिमा कम्पनीले विद्युत बिक्रीबाट १७ करोड ४३ लाख ८५ हजार रुपैयाँ आम्दानी गरेको थियो ।
कम्पनीको प्रतिशेयर आम्दानी १० रुपैयाँ ५४ पैसा रहेको छ । कम्पनीको प्रतिशेयर नेटवर्थ ११३ रुपैयाँ ४६ पैसा रहेको छ । कम्पनीको मूल्य आम्दानी अनुपात ४०.७८ गुणा रहेको छ ।
