काठमाडौं । हिमालयन उर्जा विकास कम्पनी गत आर्थिक वर्षको चौथो त्रैमासको वित्तीय विवरण प्रकाशन गरेको छ । कम्पनीले यस समिक्षा अवधिमा ३ लाख ७९ हजार रुपैयाँ खुद नाफा आर्जन गरेको छ । कम्पनीको नाफा अघिल्लो आर्थिक वर्षको सोही अवधिको तुलनामा ९१ दशमलव ७२ प्रतिशतले कमी हो । अघिल्लो वर्षको सोही अवधिमा कम्पनीले ४५ लाख ७८ हजार रुपैयाँ खुद नाफा गरेको थियो ।
कम्पनीको विद्युत् उत्पादन तथा अन्य आम्दानी अघिल्लो आर्थिक वर्षको तुलनामा साढे ८० प्रतिशत कम हुँँदा नाफामा प्रभाव परेको हो ।अघिल्लो वर्ष ७१ लाख ३४ हजाररुपैयाँ अन्य आम्दानी गरेको कम्पनीले गत वर्षको समिक्षा अवधिमा १३ लाख ८५ हजार रुपैयाँ मात्र गरेको छ ।
समिक्षा अवधिमा कम्पनीको सञ्चालन नाफा अघिल्लो आर्थिक वर्षको सोही अवधिको तुलनामा ७९ दशमलव ९७ प्रतिशतले कमी हो । यस अवधिमा १० लाख ८६ हजार रुपैयाँ संचालन मु्नाफा गरेको छ ।
हाल कम्पनीको चुक्ता पूँजी ९९ करोड रुपैयाँ रहेको छ । समिक्षा अवधिमा कम्पनीको जगेडा कोषमा ७१ लाख ७६ हजार रुपैयाँ ऋणात्मक रहेको छ ।
समिक्षा अवधिमा कम्पनीको प्रतिशेयर नेटवर्थ ९९ रुपैयाँ २८ पैसा रहेको छ ।
