काठमाडौं । राधी विद्युत कम्पनी लिमिटेडले हकप्रद शेयर निष्काशन गर्ने भएको छ । कम्पनीले हकप्रद शेयर निष्काशनका लागि बिक्री प्रबन्धकमा मुक्तिनाथ क्यापिटल लिमिटेडलाई नियुक्त गरेको छ ।
कम्पनीले चुक्ता पुँजीको १४७.५२ प्रतिशत हकप्रद निष्काशन गर्ने जनाएको छ । कम्पनीले शेयरधनीहरूलाई ३६.५ प्रतिशत बोनश शेयर वितरण गरेपश्चात् कायम हुने चुक्ता पुँजीको १४७.५२ प्रतिशत अर्थात् १ः१.४७५२ को अनुपातमा एक सय रूपैयाँ अंकित दरमा ९५ लाख ३५ हजार ७ सय ६० कित्ता हकप्रद शेयर निष्काशन गर्न लागेको हो ।
उक्त हकप्रद प्रस्ताव कम्पनीको असार २९ गते, मंगलबार सम्पन्न भएको पन्ध्रौँ वार्षिक साधारण सभाले पारित गरेको थियो । नियामक निकाय नेपाल धितोपत्र बोर्डमा निवेदन दिएर त्यहाँबाट अनुमति पाएपछि मात्र कम्पनीले हकप्रद शेयर निष्काशन गर्नेछ ।
हाल कम्पनीको चुक्ता पुँजी ४७ करोड ३५ लाख ५६ हजार ५ सय रूपैयाँ रहेको छ ।
