काठमाडौं । श्वेत गंगा हाइड्रोपावर एण्ड कन्सट्रक्सन लिमिटेडले साउन २८ गते विशेष साधारण सभा गर्ने भएको छ । सभा आकामा होटल, धुम्बाराही, काठमाडौंमा अपरान्ह्र १ बजे बोलाइएको हो ।
कम्पनीको साउन ११ गते बसेको सञ्चालक समितिको बैठकले उक्त सभा गर्ने निर्णय गरेको हो । सभाको विशेष प्रस्तावमा आईपीओ निष्काशन गर्ने प्रस्ताव रहेको छ ।
त्यस्तै, सभामा आईपीओ निष्काशनबाट प्राप्त हुने कुल रकमको उपयोग सम्बन्धी वित्तीय योजना तथा रणनीति निर्धारण गर्ने, परियोजना प्रभावित क्षेत्रका बासिन्दाका लागि छुट्याइएको शेयरको सम्बन्धमा छलफल गर्ने प्रस्ताव पेश हुने छ ।
