काठमाडौं । नेपाली बजारमा आज सुनको मूल्य ओरालो लागेको छ । हिजो आइतबारको तुलनामा आज सुनको भाउ २ सय रुपैयाँले घटेको हो । नेपाल सुनचाँदी व्यवसायी महासंघका अनुसार आज छापावाला सुन प्रतितोला ९२ हजार २ सय रुपैयाँमा कारोबार भइरहेको छ ।
हिजो छापावाला सुनको मूल्य प्रतितोला ९२ हजार ४ सय रुपैयाँमा कारोबार भएको थियो । त्यस्तै, तेजाबी सुन प्रतितोला ९१ हजार ७ सय रुपैयाँ मा कारोबार भएको छ । आइतवार तेजाबी सुन प्रतितोला ९१ हजार ९ सय रुपैयाँमा कारोबार भएको थियो ।
आईतवार प्रतितोला १ हजार ३ सय १५ रुपैयाँमा कारोबार भएको चाँदी आज १ हजार ३ सय १० रुपैयाँ खरीदविक्री भइरहेको छ ।
