नेशनल लाइफमा २६ वर्ष अगाडि करिअर सुरु गरेका सुरेश प्रसाद खत्री सिइओ बन्न सफल

काठमाडौं । नेशनल लाइफ इन्स्योरेन्स कम्पनीले सुरेश प्रसाद खत्रीलाई जेठ तीन गतेदेखि लागु हुने गरि चार वर्षका लागि प्रमुख कार्यकारी अधिकृतमा नियुक्त गरेको छ । सञ्चालक समितिले गत जेठ १९ गते स्वीकृतिका लागि बीमा समितिमा पेश गरेको थियो ।

समितिले जेठ तीन गते खत्रीलाई नियुक्त गर्न स्वीकृति दिए सँगै जेठ ४ गतेदेखि लागु हुने गरि सञ्चालक समितिले स्वीकृति दिएको हो । नेशनल लाइफबाटै करिअर सुरु गरेका खत्री सँग २६ वर्षको अनुभव रहेको छ ।

यस अगाडिका प्रमुख कार्यकारी अधिकृत भरत बस्नेतको कार्यकाल सकिए पछि पुस तीन गते बसेको सञ्चालक समितिको बैठकले नायव प्रमुख कार्यकारी अधिकृत खत्रीलाई कार्यवाहक प्रमुख कार्यकारी अधिकृतको जिम्मेवारी प्रदान गरेको थियो ।