काठमाडौं । नेपाल राष्ट्र बैंकले १३ अर्ब ७४ करोड रूपैयाँ बराबरको ट्रेजरी बिल बिक्री गर्ने भएको छ । राष्ट्र बैंकले ९१ दिन, १८२ दिन र १ वर्षको लागि ट्रेजरी बिल जारी गर्न लागेको हो ।
मंगलबार जारी हुने यस ट्रेजरी बिलका लागि आज दिउँसो ३ बजे बोलकबोल हुनेछ ।
बैंकले ९१ दिनको लागि २ अर्ब रुपैयाँको ट्रेजरी जारी गर्न लागेको हो । यस ट्रेजरी बिल भदौ १ गते परिपक्व हुने जनाएको छ ।
१८२ दिनको लागि ९ अर्ब ८५ करोड रुपैयाँको ट्रेजरी जारी गर्न लागेको हो । यो ट्रेजरी कात्तिक ३० गते परिपक्व हुनेछ । त्यस्तै, १ वर्षको लागि १ अर्ब ८९ करोड रुपैयाँ बराबरको ट्रेजरी बिल जारी गर्न लागेको हो । यो ट्रेजरी २०७९ जेठ ३ गते परिपक्व हुने जनाएको छ ।
