काठमाडौं । जीवन बीमा कम्पनीका अध्यक्ष तथा प्रमुख कार्यकारी अधिकृतहरु सँग समसामयिक विषयमा आयोजित अन्तर्क्रिया तथा छलफल कार्यक्रममा बीमा समितिमा अध्यक्ष सिलवालले कम्पनीहरुलाई आफै अनुसासनमा बस्न अनुरोध गरेका छन् ।
शुक्रवार भएको छलफलमा अध्यक्ष सिलवालले कम्पनीहरुलाई संस्थागत सुशासनलाई अक्षरस पालना गर्न निर्देशन दिएका छन् । कम्पनीहरु आफै अनुसासनमा बसेमा बीमा समितिले कारबाही गर्नै पर्ने अवस्था नआउने उनको तर्क थियो । कम्पनीहरुलाई नै सम्पुर्ण अधिकार दिइएको र आफुल पाएको अधिकारको दुरुपयोग नगर्न उनले अनुरोध गरेका छन् ।
कम्पनीहरुले खरिद गर्ने गाडी तथा अन्य सामाग्री खरिद गर्नु अगाडि बीमा समिति सँग अनुमति लिनु नपर्ने व्यवस्था गरिएको भन्दै अध्यक्ष सिलवालले कम्पनीहरुलाई मितव्ययी भएर खर्च गर्न अनुरोध गरेका छन् ।
कार्यक्रममा जीवन बीमक संघका अध्यक्ष निर्मल काजी श्रेष्ठले नियामक निकाय बीमा कम्पनीहरु मिलेर अगाडि बढ्नु पर्ने बताएका थिए । बीमा क्षेत्रको विकासका लागि सबै जनाको योगदान रहनु पर्ने श्रेष्ठको तर्क थियो।
कार्यक्रममा जीवन बीमा कम्पनीका प्रमुख कार्यकारी अधिकृत, कम्पनीका अध्यक्ष तथा बिमा समितिका निर्देशकहरुको सहभागिता रहेको थियो । कार्यक्रममा बीमा समितिका कार्यकारी निर्देशक राजुरमण पौडेलले वर्तमान अवस्थामा जीवन बीमाको अवस्थाको वारेमा प्रतस्तुति दिएका थिए ।
सिलवाल अध्यक्ष भएर आए पछि पहिलो पटक जीवन बीमा कम्पनीका प्रमुख कार्यकारी अधिकृत तथा अध्यक्षहरु सहित यो पहिलो कार्याक्रम हो । अध्यक्ष सिलवालले बीमा क्षेत्रमा देखिएका समस्या तथा बिकृति अन्त्यका लागि केहि समय लाग्ने र आफै ट्र्याकमा आउने उनले बताए ।
