काठमाडौं । ज्योति लाइफ इन्स्योरेन्स कम्पनी लिमिटेडको आईपीओ बाँडफाँड भएको छ। धितोपत्र निष्काशन तथा बिक्री प्रबन्धक एनएमबी क्यापिटलको कार्यालयमा एक कार्यक्रमबीच आईपीओ बाँडफाँड भएको हो ।
कम्पनीले गत फागुन २१ गतेदेखि १०० रुपैयाँ अंकित दरका कुल ६६ लाख कित्ता आईपीओ निष्काशन गरेको थियो। कुल कित्तामध्ये ५ प्रतिशत अर्थात ३ लाख ३३ हजार कित्ता कर्मचारीलाई र ५ प्रतिशत सामूहिक लागनी कोषहरुका लागि सुरक्षित गरिएको छ। बाँकी ५९ लाख ४० हजार कित्ता सर्वसाधारणलाई बिक्री गरेको छ ।
आईपिओमा कुल १८ लाख ४२ हजार ४ सय ८० जनाको आवेदन परेको छ । कुल आईपिओमा १७ लाख ९७ हजार ८ सय ३५ जनाले ३ करोड ५८ लाख ९९ हजार कित्ताका लागि रितपुर्वक आवेदन परेको छ ।
४१ हजार ७ सय ३ जनाको आवेदन बैंकिङ प्रणालीबाटै आवेदन रद्ध भएको छ । उनीहरुको बैंक खातामा पैसा नहुँदा आवेदन रद्ध भएको विक्री प्रबन्धकले जनाएको छ ।
रितपुर्वक परेको १७ लाख ९७ हजार ८ सय ३५ जना आवेदकलाई गोलाप्रथामा समावेश गरेर शेयर बाँडफाँड गरिएको छ । जसमा ५ लाख ९४ हजार लगानीकर्ताले मात्र १० कित्ताका दरले शेयर पाएका छन् । आवेदन दिएका मध्ये १२ लाख ४८ हजार आवेदकको हात खाली भएको जनाएको छ ।
प्राथमिक शेयर निष्काशन पछि कम्पनीको चुक्ता पुँजी २ अर्ब २० करोड रुपैयाँ पुग्ने छ । जसमा संस्थापक समुहको ७० प्रतिशत र सर्वसाधारण समुहको ३० प्रतिशत हुनेछ । आईपिओको नतिजा मेरो शेयर तथा सिडिएससीको प्राथमिक शेयरको नितिजा हेर्ने छुट्टै वेवसाइट iporesult.cdsc.com.np बाट पनि हेर्न सकिन्छ ।
