काठमान्डौ। सिंगटी हाइड्रो इनर्जी लिमिटेडले चैत्र ६ बाट प्रति कित्ता अंकित मूल्य रु.१०० दरका २९,००,००० कित्ता शेयर मध्ये ५८,००० कित्ता अर्थात २ प्रतिशत शेयर कर्मचारीहरुको लागि सुरक्षित गरिएको र १,४५,००० कित्ता अर्थात ५ प्रतिशत शेयर सामुहिक लगानी कोषहरुमा बाडफाट गरी बाकी रहने २६,९७,००० कित्ता साधारण शेयर सर्वसाधारणमा निष्काशन गरिएको छ ।
धितोपत्र निस्काशन तथा बाडँफाडँ निर्देशिका अनुसार सबैलाई सुरुमा दश-दश कित्ता दिँदै जानु पर्छ । तर यस कम्पनीले सर्वसाधारणलाई २६ लाख ९७ हजार कित्ता शेयर निष्काशन गरेको छ । यसको अर्थ दश कित्ता नियम अनुसार २ लाख ६९ हजार ७०० जना आवेदकले मात्र दश कित्ता शेयर प्राप्त गर्ने छन् ।
यस अघिको आईपीओमा १८ लाख माथि लगानीकर्ताले आवेदन दिएकोमा त्यही तथ्यांकलाई आधार मान्दा यस आईपिओमा दश कित्ता आवेदन दिंदा उत्तम देखिन्छ ।
