काठमाडौं । नेपाल फाइनान्सले रुपन्देहीको सैनामैना नगरपालिकाको मुर्गिया बजारमा शाखा संचालनमा ल्याएको छ । उक्त शाखाको उद्घाटन कम्पनीका संचालक दिप्रश शाक्यले गरेका हुन् ।
निजि क्षेत्रको लगानीको नेपालको पहिलो फाइनान्स कम्पनीको रुपमा २०४९ सालमा स्थापना भएको वित्तीय संस्थाको हाल काठमाडौ महानगरपालिका २८ कमलादीमा केन्द्रिय कार्यालय सहित ललितपुरको पुल्चोक र काभ्रेपलाञ्चोको बनेपामा शाखा कार्यालय संचालनमा ल्याइसकेको छ ।
कम्पनीले ललितपुर फाइनान्स लाई प्राप्तिका लागि प्रारम्भिक सम्झौता गरिसकेको छ । ललितपुर फाइनान्सलाई प्राप्ति गरिसकेपछि संस्थाको चुक्ता पूँजी करिब ५५ करोड पुग्ने छ ।
