काठमाडौं । प्रभु बैंकले सिन्धुली जिल्लास्थित भानुभक्त माध्यमिक विद्यालयलाई शैक्षिक साम्रगी हस्तान्तरण गरेको छ ।संस्थागत सामाजिक उत्तरदायित्व विद्यालयलाई शैक्षिक गतिविधिमा सहजता ल्याउनका लागि १० थान कम्प्युटर, ३ थान प्रिन्टर र स्क्यानर उपलब्ध गराएको बैंकले जनाएको छ ।
विद्यालय तिनकुना, सिन्धुलीमा आयोजित एक कार्यक्रममा बैंकका नायब प्रमुख कार्यकारी अधिकृत मनिराम पोखरलले विद्यालयलाई उक्त सामाग्रीहरु हस्तान्तरण गरेका हुन् ।
बैंकद्धारा हस्तान्तरित कम्प्युटर तथा प्रिन्टरको माध्यमबाट भानुभक्त माध्यमिक विद्यालयको शैक्षिक गतिविधिमा सहयोग पुग्ने विश्वास बैंकले लिएको छ ।
