काठमाडौं । आज शेयरको मूल्य परिसूचक ४९ अंकले बढेको छ । नेपाल स्टक एक्सचेन्ज (नेप्से) आज ४९.०६ अंकले बृद्धि भई २०६२.०६ पुगेको छ । उच्च अंकले नेप्से बृद्धि हुँदा ९९ लाख १० हजार तीन कित्ता शेयर कूल चार अर्ब ४४ करोड ६२ लाख २२ हजार ५७९ रुपैयाँको कारोबार भएको छ ।
कूल २ सय ८ वटा कम्पनीको ९९ लाख १० हजार ३ कित्ता शेयर खरिदबिक्री हुँदा ४ अर्ब ४४ करोड ६२ लाख २२ हजार ५ सय ७९ रुपैयाँको कारोबार भएको छ ।
आज हिमालयन डिष्टिलरी लिमिटेड, साल्ट ट्रेडिङ्ग कर्पोरेशन लिमिटेड, नागरिक लगानी कोष, एभरेष्ट बैंक लिमिटेडको अग्राधिकार शेयर, मल्टीपर्पस फाइनान्स कम्पनी लिमिटेड, शिवम् सिमेन्ट, रसुवागढी हाइड्रोपावर कम्पनी लिमिटेड, एभरेष्ट बैंक लिमिटेड, नबिल ब्यालेन्स फण्ड २ र नेपाल टेलिकमका शेयरधनीहरूले सबैभन्दा धेरै आम्दानी गरेका छन् ।
