काठमान्डौ । नेपालको लिडर जीवन बीमा कम्पनी नेपाल लाईफ इन्स्योरेन्सले जीवन बीमा क्षेत्रमा अग्रता मात्र लिएको छैन की शेयरधनीलाई पनि उत्तीकै खुशी बनाँउदै आएको छ । आर्थिक वर्ष ७५/७६ मा कम्पनीले ३१ प्रतिशत बोनस शेयर र २० प्रतिशत नगद लाभांश दिंदै सम्पूर्ण लगानीकर्ताको मन खुशी बनाएको छ।
नेपाली शेयर बजारमा लगानीकर्तालाई दुखी बनाउने एक शेयरमा नेपाल लाईफको शेयर पनि एक हो। विगतको ५ वर्षमा कम्पनीले औसतमा ४४ प्रतिशत लाभांश दिएको छ।
कम्पनीले अहिले प्रस्ताव गरेको लाभांश आर्थिक वर्ष ७५/७६ को हो। अहिले शेयर बजारमा कारोवार हने अन्य कम्पनीहरुले आर्थिक वर्ष ७६/७७ को लाभांश प्रदान गरेकोमा कम्पनीले आर्थिक वर्ष ७५/७६ को लाभांश पछि आर्थिक वर्ष ७६/७७ को लागि लाभांश प्रस्ताव गर्न बाँकी छ। त्यही कारणले गर्दा नेपाल लाईफको शेयर मूल्यमा अत्याधिक चहलपहल देखिएको छ ।
कम्पनीले ५ वर्षमा १४८ प्रतिशत बोनस शेयर र ७४.६२ प्रतिशत नगद लाभांश गरी जम्मा २२२ दशमलव ६२ प्रतिशत लाभांश घोषणा गरेको छ।
नोट : कम्पनीको आर्थिक वर्ष ७५/७६ को लाभांश बीमा समिति र साधारण सभाबाट पारित हुन बाँकी
