काठमाडौं । एनआईबिएल म्यूचुअल फण्ड अन्तर्गत संचालित एनआईबिएल प्रगति फण्डले प्रतिफल घोषणा गरेको छ । फण्डले इकाईधनीहरुलाई कर सहित ६ दशमलव ८ प्रतिशत प्रतिफल बितरण गर्ने भएको हो ।
एनआईएमबी एस क्यापिटल योजना व्यवस्थापक रही सञ्चालनमा रहेको एनआईबिएल प्रगति फण्डको आर्थिक वर्ष २०७९/८० को लेखापरीक्षण कार्य सम्पन्न गरी योजना व्यवस्थापक एनआईएमबी एस क्यापिटलको बुधबार दिउँसो बसेको सञ्चालक समितिको बैंठकले आर्थिक वर्ष २०७९/८० का लागि एनआईबिएल प्रगति फण्ड योजनाका इकाईधनीहरुलाई कर सहित ६ दशमलव ८ प्रतिशतका दरले हुन आउने ५ करोड १० लाख रकम बराबरको प्रतिफल बितरण गर्ने निर्णय गरेको हो। बुक क्लोज मिति भने तय भएको छैन् ।
