निर्जीवन बीमा कम्पनीहरुले बीमितलाई तिरे ८ अर्ब दाबी, समग्रमा १३% ले बढ्दा कुनको कति ?

काठमाडौं । समग्रमा निर्जीवन बीमा कम्पनीहरुको खुद दाबी भुक्तानी १३ प्रतिशतले बृद्धि भएको छ । आर्थिक वर्ष २०७९/ ८० को चौथो त्रैमाससम्ममा निर्जीवन बीमा कम्पनीहरुले अघिल्लो वर्षको तुलनामा १३ प्रतिशत बढी दाबी भुक्तानी दिएका हुन् । नेपाल बीमा प्राधिकरणले बीमा कम्पनीहरुलाई बीमितको दाबी भुक्तानीमा तागेता गरेपनि अपेक्षित रुपमा दाबी भुक्तानी भने हुन सकेको छैन् । कम्पनीहरुले प्रकाशन गरेको चौथो त्रैमाससम्मको वित्तीय विवरण हेर्दा ३ कम्पनीको दाबी भुक्तानी भने अघिल्लो वर्षको तुलनामा गिरावट देखिएको छ ।

यस समिक्षा अवधिमा सबैभन्दा धेरै दाबी सगरमाथा इन्स्योरेन्सले तिरेको छ । कम्पनीले यस अवधिमा १ अर्ब ११ करोड दाबी तिरेको छ । शिखर इन्स्योरेन्सले १ अर्ब ५ करोड दाबी भुक्तानी गरेको छ । सिद्धार्थ प्रिमियर इन्स्योरेन्सले ७९ करोड ८० लाख रुपैयाँ दाबी भुक्तानी गरेको छ । नेशनल इन्स्योरेन्सले ७५ करोड ४४ लाख रुपैयाँ दाबी भुक्तानी गरेको छ ।

त्यसैगरी यस अवधिमा हिमालयन एभरेष्ट इन्स्योरेन्सले ६० करोड १५ लाख रुपैयाँ दाबी भुक्तानी गरेको छ । ओरिएण्टल इन्स्योरेन्सले ५८ करोड ३३ लाख रुपैयाँ दाबी भुक्तानी गरेको छ । आइजिआई प्रुडेन्सियल इन्स्योरेन्सले ४३ करोड ३६ लाख रुपैयाँ दाबी भुक्तानी गरेको छ । यूनाइटेड अजोड इन्स्योरेन्सले ४१ करोड ५१ लाख रुपैयाँ दाबी भुक्तानी गरेको छ । नेपाल इन्स्योरेन्सले २९ करोड दाबी तिरेको छ ।

सानिमा जिआइसी इन्स्योरेन्सले २८ करोड ६२ लाख रुपैयाँ दाबी भुक्तानी गरेको छ । राष्ट्रिय बीमा कम्पनीले ७ करोड ६३ लाख रुपैयाँ दाबी भुक्तानी गरेको छ ।