काठमाडौं । नेशनल माइक्रोफाइनान्सको विशेष साधारण सभा सम्पन्न भएको छ । उक्त सभा धादिङ स्थित धादिङ क्रिक रिसोर्टमा सम्पन्न गरेको हो । सभामा मर्जर समबन्धि संचालक समितिको प्रतिवेदन पारित गरेको छ । डिडिए प्रतिवेदन तथा स्वाप रेसियो विवरण पारित गरेको छ ।
हालसम्म मर्जरको लागि भए गरेकाकार्यहरुको अनुमोदन गर्ने, मर्जरको लागि बाँकि काम गर्ने अख्तियारी संचालक समितिलाई दिने, प्रबन्धपत्र र नियमावलीमा आवश्यक संशोधन गर्ने, थप संशोधनको लागि निर्देशन भई आएमा संचालक समितिलाई अख्तियारी दिने लगायतका प्रस्ताव पारित गरेको छ ।
नेशनल माइक्रोफाइनान्सको १ कित्ता शेयर बराबर समीट लघुवित्तको ०.७३ कित्ता शेयर हुने गरि मर्जरको लागि स्वाप रेसियो तय भएको छ ।
मर्जरपछि बन्ने कम्पनीको नाम नेशनल समीट माइक्रोफाइनान्स लघुवित्त वित्तीय संस्था लिमिटेड रहने छ भने केन्द्रीय कार्यालय काभ्रेपलाञ्चोकको बनेपामा रहने छ ।
एकीकृत कारोवार पश्चात संस्थाको अधिकृत पुँजी १ अर्व ५० करोड र चुक्ता पूँजी १ अर्ब ८ करोड पुग्ने छ । मर्जर पश्चात संस्थाको शाखा सञ्जाल देशै भरीका ७४ जिल्लामा कुल २०६ वटा, कुल ग्राहक सदस्य संख्या २ लाख १५ हजार, लगानीमा रहेको कर्जा १७ अर्व २२ करोड तथा ग्राहक सदस्यहरुबाट संकलित बचत ४ अर्व ४८ करोड भन्दा बढी पुग्ने कम्पनीले जनाएको छ।
