काठमाडौं । साताको तेश्रो कारोबार दिन नेप्से परिसूचक १९०० माथि बन्द हुन सफल भएको छ । नेप्से परिसूचक १७ दशमलव ३६ अंकले वृद्धि हुँदै १९०५ दशमलव ६८ विन्दुमा बन्द भएको छ । कारोबार रकम भने कमै रहेको छ । दिनभरमा ८८ करोडको कारोबार भएको छ ।
शुन्य दशमलव ९२ प्रतिशतले वृद्धि भएको बजारमा आज धेरै कारोबार गर्ने ब्रोकरहरूबाट खरिद नै धेरै भएको देखिन्छ । आज सर्वाधिक कारोबार ब्रोकर नम्बर ५८ बाट भएको छ । ब्रोकर नम्बर ५८ बाट ८ करोड ८१ लाखको खरिद, ५ करोड ५८ लाखको विक्री गरी जम्मा १४ करोड ३९ लाखको कारोबार भएको छ ।
त्यस्तै दोश्रोमा ब्रोकर नम्बर ३४ बाट ६ करोड ३० लाखको खरिद, ४ करोड १० लाखको विक्री गरी जम्मा १० करोड ४० लाखको कारोबार भएको छ ।
आज सर्वाधिक कारोबार गर्ने शिर्ष ५ ब्रोकरलाई हेर्दा सुरूका दुई ब्रोकर र पाँचौ नम्बर ब्रोकरले विक्रीको तुलनामा खरिद धेरै गरेका छन् भने तेश्रो र चौथो नम्बर ब्रोकरले खरिदको तुलनामा विक्री धेरै गरेका छन् ।
शिर्ष ५ का खरिद धेरै गर्ने ब्रोकरले विक्रीको तुलनामा १ करोड माथि नै धेरै खरिद गरेका छन् भने विक्री धेरै गर्ने ब्रोकरको विक्री रकम खरिदको तुलनामा १ करोड भन्दा कमै अन्तरको रहेको छ ।
