काठमाडौं । महालक्ष्मी लाइफ इन्स्योरेन्स कम्पनीले ‘महालक्ष्मी वार्षिक धनफिर्ता बीमा’ अन्तर्गत प्राप्त हुने बीमाङ्कको ५ प्रतिशत रकम बीमितको सोझै बीमितको खातामा जम्मा गरिदिन शाखा तथा उपशाखालाई निर्देशन दिएको छ ।
बीमित विनोदकुमार झा ब्राम्ह्ण सहित ११ जनाले बीमा पोलिसी अनुसार बीमाङ्कको ५ प्रतिशत रकम फिर्ता नपाएको भन्दै नेपाल बीमा प्राधिकरणमा उजुरी दर्ता गराएका थिए । बीमा कम्पनीले दोस्रो किस्ता भुक्तानी गर्ने समयमा आफुले पाउनु पर्ने ५ प्रतिशत रकम नकटाइ पुरै बीमा शुल्क मागे पछि उनिहरु आक्रोसित हुँदै प्राधिकरण समक्ष पुगेका थिए । बीमितले लगातार गुनासो गरे पछि इन्स्योरेन्स खवरले शुक्रवार महालक्ष्मी लाइफका ११ बीमित पुगे बीमा प्राधिकरण, धनफिर्ता बीमा पोलिसीमा रकम फिर्ता नपाएको गुनासो शिर्षकमा समाचार सम्प्रेषण गरेको थियो ।
यसरी बीमितहरु प्राधिकरण हुँदै सञ्चार माध्यममै आइपुगे पछि महालक्ष्मी लाइफले सम्पुर्ण शाखा कार्यालयलाई नियम अनुसार भुक्तानी दिएको स्पष्टिकरण दिएको छ । कम्पनीले २०७६ साउन २५ गते नेपाल बीमा प्राधिकरणबाट ‘महालक्ष्मी वार्षिक धनफिर्ता बीमा’ पोलिसी बिक्रीका लागि स्वीकृत पाएको थियो ।
यस पोलिसी अन्तर्गत बीमाङ्कको ५ प्रतिशत रकम, तिर्नुपर्ने बीमाशुल्क भुक्तानी भए पश्चात प्रदान गर्ने व्यवस्था रहेको कम्पनीले जनाएको छ । साथै उक्त रकम बीमितले प्रदान गरेको बैंक खातामा सोझै जम्मा गरिने गरिएको कम्पनीले जनाएको छ । बीमितले बीमाशुल्क तिर्न र अभिकर्तालाई नविकरण बीमाशुल्क तिराउन सजिलोको लागि यदि कसैले उक्त प्राप्त गरिने रकममा समायोजन हुने गरी बीमा शुल्क भुक्तानी गर्न आएमा समेत फरक रकम लिई सहुलियतपुर्ण रुपमा कार्य गरिरहेको जानकारी गराएको छ । केन्द्रिय कार्यालयले यस्तो भन्दै गर्दा शाखा कार्यालयहरुको फरक व्यवहारका कारण बीमितहरु यसरी प्राधिकरण र सञ्चार माध्यमसम्म आइपुगेका हुन् ।