आइएमई लाइफले ल्यायो आइएमई बालकिरण जीवन बीमा योजना

काठमाडौं । आइएमई लाइफ इन्स्योरेन्स कम्पनी लिमिटेडले आइएमई बालकिरण जीवन बीमा योजना सार्वजनिक गरेको छ । कम्पनीले आफ्ना बिमितहरुलाई अझ सरल र सहज बीमा सेवा प्रदान गर्ने उद्देश्यले यस्तो योजना ल्यायएको जनाएको छ ।

बच्चाको जन्म लगत्तै लिन सकिने यस बीमा योजनामा बालबालिका तथा अभिभावक दुवैको पूर्ण अवधिकालागि अधिकतम जोखिम रक्षावरण सहित चौथो बर्षदेखि नै प्रत्येक बर्ष बीमा रकम फिर्ता हुनेछ ।

यसरी प्रत्येक बर्ष फिर्ता हुने रकमले अभिभावकहरुलाई बच्चाको विद्यालय भर्ना तथा अध्ययन खर्चमा सहयोगी भूमिका खेल्ने कम्पनीले जनाएको छ ।

खासगरी अभिभावक तथा नव अभिभावकहरुको लागि अत्यन्त उपयुक्त तथा सहज यस बीमा योजनामा आफ्नो आवश्यकता अनुसारको बीमा अवधि छनौट गर्न सकिने, दुर्घटना तथा बीरामीको थप जोखिम वहन हुने तथा एउटै बीमामा दोहोरो जीवनको बीमा हुने कम्पनीले जनाएको छ ।

प्रतिक्रिया दिनुहोस्

सम्बन्धित समाचार