नेपाल लाइफ इन्स्योरेन्स २२औं वर्षमा प्रवेश, बीमा कोष १ खर्ब २५ अर्ब पुर्याउन सफल

काठमाडौं । नेपाल लाइफ इन्स्योरेन्स कम्पनी २१ वर्ष पुरा गरी २२ औं वर्षमा प्रवेश गरेको छ । २०५८ साल बैसाख २१ गते जीवन बीमा व्यवसाय सुरु गरेको नेपाल लाइफ इन्स्योरेन्स २२ वर्षको युवा अवस्थामा फक्रिरहेको छ । फराकिलो आकाशमा उडान गरिरहेको नेपाल लाइफले यस अवधिमा आफूलाई अझै अब्बल र सशक्त बनाउँदै लगेको छ । पछिल्लो तथ्याङ्क अनुसार कुल बीमा शुल्क आर्जनमा नेपाल लाइफले मात्रै एक चौथाइ अर्थात २५ प्रतिशत बजार हिस्सा ओगटेको छ ।

देशका दुरदराज, कुनाकन्दरासम्म बीमाको पुहँच पुयाउँदै मानिसको जीवनमा आइ पर्ने जोखिममा आर्थिक भार कम गर्दै आम मानिसको मुहारमा मुस्कान छर्न र पीडामा मलम लगाउन सफल नेपाल लाइफ धेरै वटा सूचकमा अब्बल र अगाडी देखिएको छ ।

जीवन बीमा व्यवसाय शुभारम्भ गरेको २१ वर्षको अवधिमा विगत १२ वर्षदेखि अग्रणी स्थानमा रहदै आएको छ । कम्पनीले यस दौरानमा एक खर्ब ७० अर्ब रुपैयाँ बीमा शुल्क आर्जन गर्न सफल भइसकेको छ । कम्पनी स्थापना हुँदा जीवन बीमा कोष ८ लाख ७ हजार रुपैयाँ मात्रै थियो । आजका दिनमा कम्पनीले जीवन बीमा कोष एक खर्ब २४ अर्ब रुपैयाँ भन्दा धेरै पुर्याउन सफल भएको छ ।

कम्पनीको स्थापनापछि पहिलो र दोस्रो प्रमुख कार्यकारी अधिकृत भारतबाट ल्याइएको थियो । कम्पनीका पहिलो प्रमुख कार्यकारी अधिकृत जिएस पांती थिए । दोस्रो प्रमुख कार्यकारी अधिकृत पनि भारतकै बिसी शर्मा थिए । तेस्रो सिइओ भने नेपालकै रमेशकुमार भट्टराई भए । मनोजकुमार भट्टराईसहित चार जनाले पहिलो एक दशक कम्पनीको नेतृत्व सम्हालेका थिए । पछिल्लो दशकमा विवेक झाले प्रमुख कार्यकारीको जिम्मेवारी सम्हाले । कम्पनीले २०७७ माघ २८ गते सन्तोष प्रसाईलाई प्रमुख कार्यकारी अधिकृतमा नियुक्ती गरे पनि उनले २०७८ कार्तिकमै राजिनामा दिएर बाहिरिए । त्यस यता कम्पनी प्रमुख कार्यकारी अधिकृत विहिन छ । कम्पनीले वरिष्ठ नायव प्रमुख कार्यकारी अधिकृतमा प्रविण रमण पराजुलीलाई भित्र्याएको छ ।

नेपाल लाइफलाई यो स्थानमा ल्याइ पुर्याउन सर्वाधिक योगदान अघिल्ला प्रमुख कार्यकारी अधिकृत विवेक झाको सर्वाधिक धेरै छ । उनले एक दशकमा नेपाल लाइफ मात्रै बजार हिस्सा ३७ प्रतिशतसम्म पुर्याउन सफल भएका थिए । अभिकर्ताको सञ्जाललाई सदुपयोग गर्न माहिर झाले बीमित, अभिकर्ता र कम्पनीलाई नै विन विन बनाउन सफल भए । यस अवधिलाई कम्पनीले आफ्नो व्यवसायिक यात्राको कोषे ढुङ्गाको रुपमा लिएको छ ।

 

गएको वर्षमा कम्पनीले खासै सुधार गर्न सकेन । यस अवधिमा अन्य कम्पनी पनि आक्रामक हुँदा बजार हिस्सा खुम्चिएको छ । तर पछिल्ला दिनमा कम्पनीले पुनः लय सम्हालेको छ । बजार विस्तामार आक्रामक देखिन थालेको छ ।

बीमितलाई आकर्षिक बोनसदर प्रदान गर्दै आएको नेपाल लाइफले अघिल्लो आर्थिक वर्षको लागि न्युनतम प्रतिहजार ५६ रुपैयाँदेखि अधिकतम ८२ रुपैयाँसम्म दिने घोषणा गरिसकेको छ । कम्पनीले हरेक वर्ष बीमितलाई आकर्षित बोनसर वितरण गर्दै आइरहेको छ । कम्पनीले देशभर १९० वटा शाखा तथा उपशाखा मार्फत जीवन बीमा व्यवसाय सञ्चालन गरिरहेको छ ।

नेपाल लाइफले स्थापनाकालदेखि हालसम्म शेयरधनीहरुलाई ८ अर्ब ६७ करोड रुपैयाँ प्रतिफल प्रदान गरिसकेको छ । जसमा शेयरधनीहरुले बोनस शेयर मात्रै ६ अर्ब १६ करोड रुपैयाँ प्राप्त गरेका छन् । कम्पनीले यस अवधिमा शेयरधनीहरुलाई सर्वाधिक १२६ प्रतिशतसम्म लाभांश दिएको रेकर्ड रहेको छ । अघिल्लो आर्थिक वर्षमा भने कम्पनीले इतिहासकै सर्वाधिक कम १४.७३ प्रतिशत दियो । तर रकमका हिसावले यो आकर्षिक थियो ।

कम्पनीले स्थापनाकालदेखि आजसम्मको दिनमा २८ वटा बीमा योजना ल्याइसकेको छ । जस मध्ये आजका दिनमा ११ वटा योजना बन्द भइसेकका छन् भने आजका दिनमा १७ वटा मात्रै सक्रिय छन् ।

कम्पनीले २२ औं वार्षिकोत्सवको अवसरमा बीमित, अभिकर्ता, शेयरधनी, कर्मचारी, संचालक समिति, नियमनकारी निकाय लगायत सबैमा हार्दिक आभार तथा धन्यवाद व्यक्त गरेको छ । कम्पनीले बीमितको सेवामा अझै कैयौ व र्ष अनवरत रुपमा लागिरहने प्रतिवद्धता व्यक्त गरेको छ ।  कम्पनीलाई यो उचाइसम्म ल्याई पुर्याउनमा निरन्तर विश्वासका साथै सदैव साथ एवं उचित मार्गनिर्देश दिने नियमनकारी निकाय, संचालक समिति, शेयरधनी, अभिकर्ता लगायत सबैलाई कम्पनीले कृतज्ञताका  व्यक्त गरेको छ ।

प्रतिक्रिया दिनुहोस्

सम्बन्धित समाचार