गरिमा विकास बैंकको शेयर सूचिकृत

काठमाडौं । नेप्सेमा गरिमा विकास बैंकको २७ लाख २२ हजार ७०६ दशमलव शून्य ४ कित्ता शेयर सूचिकृत भएको छ । गरिमा विकास बैंकले सहारा विकास बैंकलाई प्राप्ति गरेपछि थप हुन आएको शेयर सूचीकृत भएको हो ।

गरिमा विकास बैंकले सहारा विकास बैंकलाई १ः१ अनुपातमा प्राप्ति गरेको हो । यो सूचीकृत भएको शेयरसँगै कम्पनीको कुल सूचिकृत शेयर ३ करोड ९४ लाख ८१ हजार ८३२ कित्ता भएको छ ।

अब यो शेयर हितग्राही खातामा आएपछि शेयरधनीले खरीदविक्री गर्न सक्नेछन् ।