काठमाडौं । लुम्बिनी जनरल इन्स्योरेन्स कम्पनी लिमिटेडले प्रदेश दुईमा मार्केटिङ सब मिट कार्यक्रम सम्पन्न गरेको छ । उक्त कार्यक्रममा सहभागीलाई मार्केटिङ्ग सम्बन्धि तालिम दिएको थियो । तालिम कम्पनीका नायव प्रमुख कार्यकारी अधिकृत रमेश कुमार भट्टराईले प्रदान गरेका हुन ।
बर्दिबास स्थित होटल गुन्जामा आयोजित कार्यक्रममा लहान, जनकपुर, चपुर, हेटौंडा, बिरगंज, बर्दिबास लगायतका प्रदेश २ भरिका शाखा कार्यलयबाट प्रतिनिधि तथा कर्मचारीहरुको उपस्थिति रहेको थियो ।
सोही कार्यक्रममा नायव प्रमुख कार्यकारी अधिकृत भट्टराईका साथै प्रशासन प्रमुख किरण मुढभरी, प्रदेश नं १ का क्षेत्रीय प्रबन्धक अभिषेक बराल र प्रदेश २ का क्षेत्रीय प्रबन्धक निशान्त लामिछानेको समेत उपस्थिति रहेको थियो ।
