काठमाडौं । शिखर इन्स्यारेन्सबाट सर्वाधिक जिल्लाका नागरिकहरुको कोरोनाभाइरस बीमा भएको छ । कोरोनाभाइरस बीमाको सुरुवात भएको १ महिनामै ७३ जिल्लाका नागरिकहरुले शिखर इन्स्योरेन्सबाट कोरोना भाइरस बीमा गराएका छन ।
नेपालमा सबैभन्दा बढी शाखा संजाल रहेको शिखर इन्स्योरेन्सको शाखाहरुमध्ये ८४ वटा शाखाहरुबाट ७३ जिल्लाका २७,२२५ नागरिकहरुको कोरोनाभाइरस बीमा भएको छ । सल्यान, मनाङ, जाजरकोट र अछाम जिल्ला बाहेक नेपालका अन्य सम्पूर्ण जिल्लाहरुमा शिखर इन्स्योरेन्सको कोरोना भाइरस बीमा सेवाको पहुँच पुगिसकेको कम्पनीले जनाएको छ ।
शिखर इन्स्योरेन्सले २०७७ जेष्ठ ६ गते सम्म २,६९१ बीमालेख जारी गरी रु.१ करोड ५० लाख भन्दा बढीको कोरोना भाइरस बीमाशुल्क संकलन गरेको र बीमालेख संख्यामा २७ प्रतिशत बजार हिस्सा रहेको जनाइएको छ ।
अनलाइन प्रणालीबाट कोरोनाभाइरस बीमा जारी गर्नेतर्फ समेत कम्पनी अग्रणी स्थानमा रहेको छ । हालसम्म अनलाइन सेवाबाट ७०० भन्दा बढी कोरोनाभाइरस बीमालेख जारी भएको कम्पनीले जनाएको छ ।
