काठमाडौं । शेयर बजार भनेको उत्तरचढाव आइरहने क्षेत्र हो । कहिले बजार बृद्धि हुन्छ भने कहिले घट्ने गर्छ । शेयर बजार घट्नु र बढ्नुलाई स्वाभाविक नै मानिन्छ । बजारमा खरिदकर्ताहरुको चाप बढेको समयमा बजार बढ्न जान्छ भने विक्रीकर्ताहरु बढेर र खरिदकर्ताहरुको चाप कम भएको समयमा बजार घट्ने गर्छ । बजार एउटा चक्रमा चलेको हुन्छ ।
२०७३ साउन १२ गते नेपालको इतिहासमै नेप्से परिसूचक सबैभन्दा धेरै विन्दुमा पुगेका थियोे । दिनभरिमा नेप्से परिसूचक १,८८८ को विन्दुसम्म पुगेकोमा बजार वन्द हुँदा १८८१ दशमलव ४५ को विन्दुमा कायम भएको थियो ।
साउन १२ गते जीवन बीमा कम्पनीहरुमध्ये सबैभन्दा धेरै बजार मुल्य नेपाल लाइफ इन्स्यारेन्स कम्पनीको रहेका थियो । जसको बजार मुल्य प्रति कित्ता ४ हजार २० रुपैयाँ रहेको थियो । त्यस्तै, निर्जीवन बीमा कम्पनीहरुमध्ये सबैभन्दा धेरै बजारमुल्य शिखर इन्स्योरेन्स कम्पनीको रहेको थियो । जसको बजारमुल्य प्रति कित्ता ३ हजार सात सय ९६ रहेको थियो ।
त्यस दिन कारोबारमा आएका २० बीमा कम्पनीहरुमध्ये २ बीमा कम्पनीको मात्र बजारमुल्य १ हजारभनदा कम रहेको थियो । गुँरास लाइफको बजारमुल्य प्रति कित्ता ९ सय ९० कायम थियो भने सूर्या लाइफ इन्स्योरेन्स कम्पनीको प्रति कित्ता बजारमुल्य ९ सय ८६ रहेको थियो ।
बजार निरन्तर तीन वर्षदेखि बियरिस प्रवृत्तिमा रहेको, बोनश र हकप्रदले शेयर मुल्य समायोजन भएकाले आजको दिनसम्म आइपुग्दा बीमा कम्पनीहरुको बजार मुल्य निकै कम रहेको देखिन्छ ।
नेपालकै इतिहासमा नेप्से उच्च विन्दुमा पुगेको दिन २०७३ साउन १२ गते बीमा कम्पनीहरुको बजार मुल्य कति थियो भनेर इन्स्योरेन्स खबरले गरेको एक अध्ययन
नोट : २०७३ साउन १२ गतेको बजार मुल्यको आधारमा तयार पारिएको रिपोर्ट
