काठमाडौं । नेपालमा २८ वटा वाणिज्य बैंकहरु संचालनमा रहेका छन् । जसमध्ये नेपाल स्टक एक्स्चेञ्चमा २७ वटा वाणिज्य बैंकहरु सूचिकृत छन् । नेप्सेमा सूचिकृत २७ वटा वाणिज्य बैंकहरुमध्ये नबिल बैंक र नेपाल इन्भेष्टमेन्ट बैंकलाई पुराना र अब्बल वाणिज्य बैंकको रुपमा लिइन्छ ।
सुरुवाती चरणमा यी दुवै बैंक विदेशी लगानीमा संचालित थिए । नबिल बैंक जूलाई १९८४ मा नेपाल अरब बैंकको नामबाट संचालन भएको थियो । सन १९९७ मा नबिल बैंकको रुपमा नाम परिवर्तन गरी कारोबार अगाडी बढाएको हो ।
त्यस्तै, नेपाल इन्भेष्टमेन्ट बैंक सन १९८६ मा नेपाल इन्डोस्विच बैंकको नामबाट फ्रान्सका साझेदारसँगको सहकार्यमा संचालनमा गरेको थियो । पछि अप्रिल २००२ मा नेपाल इन्भेष्टमेन्ट बैंकको नामबाट कारोबार अगाडी बढाएको पाइन्छ ।
नेप्सेमा सूचिकृत भएका कम्पनीहरुमध्ये यी दुई बैंकहरुले आफ्ना शेयरधनीहरुलाई प्रत्येक वर्ष आकर्षक लाभांश प्रदान गर्दै आएका छन् ।
नेप्सेमा सूचिकत भएका २७ कम्पनीमध्ये अब्बल ठानिएका वाणिज्य बैंकहरु नबिल बैंक र नेपाल इन्भेष्टमेन्ट बैंकको दश वर्षको लाभांश हेर्दा :
नबिल बैंकका शेयरधनीहरुले यो दश वर्षको अवधिमा आकर्षक लाभांश प्राप्त गरेका छन् । यो दश वर्षको अवधिमा लगानीकर्ताहरुले ५ सय ३८ दशमलव ८४ प्रतिशत लाभांश प्राप्त गरेका छन् । उक्त लाभांशमध्ये २ सय ५७ प्रतिशत बोनश शेयर रहेको छ भने २ सय ८१ दशमलव ८४ प्रतिशत नगद लाभांश रहेको छ ।
यो दश वर्षको अवधिमा नबिल बैंकका लगानीकर्ताहरुले आर्थिक वर्ष २०६५ /६६ मा ८५ प्रतिशत लाभांश प्राप्त गरेका छन् । जसमध्ये ५० प्रतिशत बोनश शेयर रहेको छ भने ३५ प्रतिशत नगद लाभांश रहेको छ ।
त्यस्तै नेपाल इन्भेष्टमेन्ट बैंकका शेयरधनीहरुले दश वर्षको अवधिमा ३ सय ५५ दशमलव ७४ प्रतिशत लाभांश प्राप्त गरेका छन् । उक्त ३ सय ५५ दशमलव ७४ प्रतिशत लाभांशमध्ये १ सय ६१ प्रतिशत बोनश शेयर रहेको छ भने बाँकि १ सय ९४ दशमलव ७४ प्रतिशत नगद लाभांश रहेको छ ।
यो दश वर्षको अवधिसम्म नेपाल इन्भेष्टमेन्ट बैंकका लगानीकर्ताहरुले आर्थिक वर्ष २०६७/ ६८ सालमा ५० प्रतिशत लाभांश प्राप्त गरेका छन् । ५० प्रतिशत लाभांशमध्ये २५ प्रतिशत बोनश शेयर प्राप्त गरेका छन् भने २५ प्रतिशत नगद लाभांश प्राप्त गरेका छन् ।
