IME Life

बीमा कम्पनीका कर्मचारीलाई टार्गेटको टेन्सन

SPIL
Sanima Reliance

नयाँ जीवन बीमा कम्पनीहरुले लिएको महत्वकांक्षी लक्ष्यले कर्मचारीको टाउँको दुखाई भएको छ । पुराना कम्पनीहरुसँग प्रतिस्पर्धा गर्न कम्पनीहरुले दिएको व्यवसायिक लक्ष्यले पुरा गर्न नसक्दा कर्मचारीहरु तनाबमा परेका हुन् । जसका कारण कर्मचारीहरु जागिरै छाड्ने अवस्थामा पुगेका छन् ।

नेपालको बीमा बजारमा भर्खरै नौ वटा जीवन बीमा कम्पनी प्रवेश गरेका छन् । नेपालमा बीमाको पुहँच बढाउने लक्ष्य सहित स्थापित कम्पनीहरुले व्यवसाय बढाउँनैका लागि कर्मचारीलाई ठूलो व्यवसाय लक्ष्य पनि दिएका छन् । तर, तोकिएको समयमा व्यवसाय पुरा गर्न नसक्दा कर्मचारीहरु भने तनाब परेको नयाँ कम्पनीका एक कर्मचारीले बताए । ‘बजारमा यति धेरै प्रस्तिपर्धा छ । बोलेकै आधारमा विमा हुन सक्दैन । व्यवसायिक अभिकर्ताको पनि अभाव छ । यस्तो अवस्थामा कम्पनीले दिएको लक्ष्य पुरा गर्न कठिन छ,’ उनले भने ।

Crest
Meta Holidays

नियुक्त भएको केही समय नवित्दै आईएमई लाइफ इन्स्योरेन्स कम्पनीका नायव प्रमुख कार्यकारी अधिकृत राकेश प्राख्रेलले राजीनामा दिए । नायव कार्यकारीको रुपमा नियुक्त गरिएका प्रोख्रेललाई कम्पनीले सबै जिम्मेवारी दिएको थियो । तर, उनले छ महिना पनि पुरा नहुँदै जागीर छाडेका हुन् ।

कम्पनीका सञ्चालकसँग तारताम्यता मिल्न नसक्दा उनले जागीर छाडेको स्रोतले बताएको छ ।स्रोतका अनुसार सञ्चालकले तय गरेको व्यवसायिक योजनामा सहमत हुन नसक्दा उनले जागिर छाडेका हुन् । लामो समय देखि बीमा क्षेत्रमा कार्यरत प्रोख्रेलले चाटर्ड एकाउन्टेण्टको अध्ययन पुरा गरेका थिए ।

सामान्यतया काठमाडौमा बाहिरका शाखा प्रमुखलाई कम्तिमा बार्षिक ५ देखि २० करोडसम्मको व्यवसायिक लक्ष्य दिईएको जानकारहरु बताउँछन् । कर्मचारीका अनुसार व्यवसायिक लक्ष्य पुरा गर्न व्यवस्थापनले लगातार दबाब दिई रहन्छन् । नाफा आर्जन गर्न बसेका कम्पनीले कर्मचारीलाई निश्चित व्यवसायिक लक्ष्य दिए पनि असामान्य लक्ष्य नराखेको कम्पनीका सञ्चालकहरु बताउँछन् ।

धेरै टार्गेट लिनेलाई जागिर
नयाँ कम्पनीहरुले टार्गेट धेरै लिने व्यक्तिलाई छानी छानी जागिर दिने गरेको एक कर्मचारी बताउँछन् । ‘म यति करोडसम्मको व्यवसाय ल्याउँछु भनेको आधारमा नै कम्पनीहरुले जागिर दिने गरेका छन् । कर्मचारीसँग न कुनै योजना न कुनै रणनीति नै,’ उनले भने । कम्पनीलाई जसरी पनि व्यसवाय चाहिएको छ । तर, कसरी ल्याउन सक्छ भन्ने बिषयमा भने कम्पनीहरुले अध्ययन नगरेको उनीहरु बताउँछन् ।

त्यस्तै, कर्मचारीहरुले जािगर पाउँन कै लागी नै जथाभावी व्यवसायिक लक्ष्य लिने गरेका छन् । एउटा सामान्य कर्मचारीको रुपमा काम गरेको व्यक्तिले पनि धेरै व्यवसाय ल्याउने प्रलोभन देखाएर नै ठूलो पदमा नियुक्त हुने गरेका जानकारहरु बताउँछन् ।

क्षमता भन्दा ठूलो जिम्मेवारी
नयाँ कम्पनीहरुले कर्मचारीहरुलाई क्षमता भन्दा बढीको जिम्मेवारी दिएकै कारण कर्मचारीलाई व्यवसाय लक्ष्य प्राप्त गर्न कठिन भएका हो । व्यवसाय ल्याउँछु भन्ने आधारमा सामान्य कर्मचारीलाई प्रमुखको जिम्मेवारी दिइन्छ तर, अनुभव र क्षमता नहुँदा लक्ष्य भने पुरा गर्न नसकेको अनुवभीहरु बताउँछन् । त्यति मात्रै हैन, व्यवसाय ल्याउँने लक्ष्यको आधारमा कर्मचारीलाई कम्पनीहरुले राम्रो तबल, सेवा र सुविधा समेत दिने गरेका छन् । आकर्षक सेवा सुविधा दिएका कर्मचारीबाट कम्पनीहरुले व्यवसाय पनि उत्तिकै आकर्षक खोजेका जानकारहरु बताउँछन् ।

टार्गेटले पाईएन प्रमुख कार्यकारी अधिकृत 
कम्पनीहरुको व्यवसाय लक्ष्यले कर्मचारी मात्रै हैन कम्पनीका प्रमुख कार्यकारी अधिकृत पनि तनाबमा छन् । सञ्चालकले राखेको महत्वकाक्षी लक्ष्यलाई जो कोही व्यक्तिले आट्न नसकेकै कारण नयाँ कम्पनीहरु प्रमुख कार्यकारी विहिन भएको जानकारहरु बताउँछन् । उनीहरुका अनुसार नयाँ कम्पनीका सञ्चालकले प्रमुख कार्यकारीलाई अत्याधिक ठूलो व्यवसायिक लक्ष्य दिन्छन् । जो कोही व्यक्तिले उक्त लक्ष्य हासिल गर्ने हिम्मत नै गर्न सक्दैन । क्षमता भए पनि नेपालमा अहिले नै बीमा सम्बन्धी वातावरण बनी सकेको छैन । त्यसैले सक्षम भए पनि धेरै व्यक्तिले प्रमुख कार्यकारीका लागी रुचि नदेखाएको जानकारहरु बताउँछन् ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS
x