युनियन लाइफ इन्स्योरेन्स कम्पनीले पोखरामा क्षेत्रीय कार्यालय सञ्चालनमा ल्याएको छ । एक कार्यक्रमका बीच मंगलबार कार्यालयको बीमा समितिका अध्यक्ष चिरञ्जीवी चापागाईले उद्घाटन गरेका हुन् । उक्त अवसरमा बोल्दै चापागाईंले बिमा क्षेत्रले पछिल्लो समय फड्को मारेको धारणा राखे । बिमाको बजार ९० प्रतिशत भन्दा बढी खाली रहेको उल्लेख गर्दै उनले बिमाको दायरा अझै बढाउनुपर्ने बताए ।
कम्पनीका प्रमुख कार्यकारी अधिकृत मनोज कुमार लाल कर्णले बिमा सबैका लागि आवश्यक रहकाले बिमाको पहुँच बढाउन आफ्नो कम्पनी सफल हुने दावी गरे । नायव महाप्रवन्धक पोषराज सुवेदीले पोखरा क्षेत्रमा सेवा प्रदान गर्न कार्यालयको शाखा सञ्चालनमा ल्याइएको जानकारी दिए । कम्पनीको पोखरा क्षेत्रीय प्रमुखमा हरि ढुंगाना र शाखा प्रमुखमा गणेश धमाला कार्यरत छन् ।
विभिन्न योजना मार्फत आफ्नो कम्पनीमार्फत जतिसक्दो धेरैको बिमा गराउने आफूहरुको लक्ष्य रहेको क्षेत्रीय प्रमुख ढुंगानाले बताए । कम्पनीको चुक्ता पुँजी २ अर्ब १५ करोड रुपैयाँ छ । कम्पनीमा सुलभ अग्रवाल, शेखर गोल्छा, संदिप कुमार अग्रवाल सञ्चालक छन् भने जगदम्बा ग्रुप, न्यौपाने ग्रुप, टिवडेवाल ग्रुप, गाडिया ग्रुप, राजेश हाडवेयरको लगानी छ ।
