काठमाडौं । आज शेयर बजार नेप्से परिसूचक २५ दशमलव ७१ अंकले बढेर २,६५७ दशमलव ६१ को विन्दुमा कायम भएको छ । आज ट्रेडिङ, होटल्स एण्ड टुरिजम, म्युचअल फण्ड, इन्भेष्टमेन्ट र उत्पादनमुलक उपसूचक घटेका छन् । आज निर्जीवन बीमा उपसूचक ३ दशमलव ९७ प्रतिशतले बढेको छ ।
आज दिनभरिमा २१२ वटा कम्पनीको १ करोड ७३ लाख ७ हजार ३ सय २८ कित्ता शेयर किनबेच हुँदा ८ अर्ब ७७ करोड ७४ लाख रुपैयाँको शेयर कारोबार भएको छ । आज सबैभन्दा धेरै निफ्राको ४६ करोड ८१ लाख रुपैयाँको शेयर कारोबार भएको छ । अपर तामाकोशीको २८ करोड १० लाख रुपैयाँको शेयर कारोबार भएको छ ।
आज सबैभन्दा धेरै वोमी लघुवित्त वित्तीय संस्था र जनरल इन्स्योरेन्स कम्पनीका लगानीकर्ताले कमाएका छन् । कम्पनीहरुले ९ दशमलव ९९ प्रतिशतका दरले कमाएका छन् । त्यस्तै, आज साल्ट ट्रेडिङका लगानीकर्ताले ५ दशमलव ६३ प्रतिशतका दरले गुमाएका छन् ।
