काठमाडौं । आज बिहीबार पनि सुनको मुल्य बढेको छ । बुधबार प्रतितोला १ लाख १३ हजार २ सय रुपैयाँमा कारोबार भएको छापावाल सुनको मुल्य आज तोलामा ५ सय रुपैयाँले बढेर १ लाख १३ हजार ७ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
त्यस्तै तेजावी सुनको मुल्य पनि प्रति तोलामा ५ सय रुपैयाँले बढेर १ लाख १३ हजार १ सय ५० रुपैयाँमा कारोबार भएको छ । आज चाँदीको मुल्य तोलामा १५ रुपैयाँले घटेर प्रतितोला १ हजार ३ सय ९५ रुपैयाँमा कारोबार भइरहेको छ ।
