काठमाडौं । आज नेपाली बजारमा सुनको मूल्य बढेको छ । तोलामा ८६ हजार ३ सय रुपैयाँमा कारोबार भएको छापावाला सुनको मूल्य आज २ सय रुपैयाँले बढेर तोलाको ८६ हजार ५ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यसैगरी, तेजावी सुनको मूल्य आज तोलामा ८६ हजार ५० रुपैयाँ कायम भएको छ । गत शुक्रबार तेजावी सुनको मूल्य तोलाको ८५ हजार ८ सय ५० रुपैयाँ कायम भएको थियो ।
आज चाँदीको मूल्य भने घटेको छ । गत शुक्रबार तोलाको १ हजार २ सय ३० रुपैयाँमा कारोबार भएको चाँदीको मूल्य आज ५ रुपैयाँले घटेर तोलाको १ हजार २ सय २५ रुपैयाँमा कारोबार भएको महासंघले जनाएको छ ।
