काठमाडौं । साताको अन्तिम कारोबार दिन बिहीबार शेयर बजारमा सामान्य गिरावट आएको छ। नेप्से परिसूचक ३.२४ अंकले घटेर १९६५.९३ को विन्दुमा झरेको छ। सेन्सेटिभ इन्डेक्स पनि ०.३७ अंकले घटेर ३४८.१८ को विन्दुमा ओर्लेको छ।
आज बजार घट्दा २ अर्ब ३६ करोड ६९ लाख रुपैयाँबराबरको कारोबार भएको छ। ८८ कम्पनीको शेयरभाउ बढ्दा १४९ वटाको घटेको छ भने ७ वटाको स्थिर रहेको छ।
यो दिन नेप्से उपसमूहमा रहेका १३ वटा समूहमध्ये ५ वटामात्रै बढेको छ भने ८ वटामा गिरावट आएको छ। वित्त समूह सर्वाधिक ३.१३ प्रतिशतले बढ्दा उत्पादन तथा प्रशोसन समूह सर्वाधिक ०.७१ प्रतिशतले घटेको छ।
आज पोखरा फाइनान्सको सर्वाधिक कारोबार भएको छ। मल्टीपर्पस फाइनान्सको शेयरभाउ सबैभन्दा बढी ९.९९ प्रतिशतले बढेको यो दिन सबैको लघुवित्तको शेयरभाउमा ५.८३ प्रतिशतको गिरावट आएको छ।
