काठमाडौं। सान्भि इनर्जी लिमिटेडले आगामी कार्तिक २३ गते चौथो वार्षिक साधारण सभा गर्ने भएको छ । गत असोज ३० गते बसेको सञ्चालक समितिको बैठकले कम्पनीको कार्यालय लाजिम्पाटमा बिहान ११ बजे सभा गर्ने निर्णय गरेको हो ।
सभाले आर्थिक वर्ष २०७९/ ८० को साधारण सभामा प्रस्तुत गरिने प्रतिवेदनउपर छलफल गरी पारित गर्ने तथा आव २०७९/ ८० को सञ्चित मुनाफाबाट करसहित ५ प्रतिशत नगद लाभांश दिने प्रस्ताव पारित गर्ने जनाएको छ ।
सभाले कम्पनीको नियमावलीको संशोधन गर्ने विशेष प्रस्ताव पनि पारित गर्नेछ । यसअघि नै उक्त कम्पनीले आइपीओ निष्काशन गर्नका लागि नियामक निकाय धितोपत्र बोर्डमा आवेदन दिइसकेको ।
