काठमाडौं। नेपाल सरकार र नेपाल कम्युनिष्ट पार्टी ‘विप्लव’ समुहकाबीच तीन बुँदे सहमतिपत्रमा हस्ताक्षर भएको छ। उक्त सहमतिमा नेपाल कम्युनिष्ट पार्टीले आफ्ना सम्पुर्ण राजनीतिक विषयहरुको समाधान सम्वादका माध्यमबाट गर्ने, आफ्ना सम्पुर्ण राजनितिक क्रियाकलापहरु शान्तिपूर्ण रुपमा सञ्चालन गर्ने र नेपाल सरकारका तर्फबाट लगाइएको नेपाल कम्युनिष्ट पार्टी माथिको प्रतिवन्ध हटाउने, सम्पूर्ण बन्दीको रिहाइ र मुद्दा खारेजी लगायतका विषयमा सहमति भएको छ।
सहमतिको विस्तृत विवरण यहि फागुन २१ गते दिनको २ बजे विशेष समारोहबीच सार्वजनिक गरिने भएको छ। उक्त समारोहलाई नेपाल सरकारको तर्फबाट प्रधानमन्त्री केपी शर्मा ओली र नेपाल कम्युनिष्ट पार्टीको तर्फबाट विप्लवले सम्बोधन गर्ने छन्।
