काठमाडौं । धरान उपमहानगरपालिकाले सडकबत्तीको लाइन नकाट्न नेपाल विद्युत प्राधिकरणसँग आग्रह गरेको छ।
धरान उपमहानगरले आज प्राधिकरणको धरान शाखामा पत्र पठाउँदै यस्तो आग्रह गरेको हो। सडकबत्तीको बक्यौता नतिरेपछि प्राधिकरणले लाइन काटिदिएको थियो।
लाइन काटिदिएका इलाकाहरुमा आपराधिक मानसिकता भएका व्यक्तिहरुबाट चोरी, डकैती, लुटपाटजन्य गतिविधि बढ्नुका साथै सवारी दुर्घटनाका समेत हुने भएकोले आपराधिक क्रियाकलापलाई मध्यनजर गर्दै सडकबत्तीको लाइन नकाट्न धरान उपमहानगले आग्रह गरेको छ।
सडकबत्तीको बक्यौता रकम तिर्नका लागि सम्बन्धित मन्त्रालयलगायतका निकायहरुसँग समन्वय र सहकार्य भइरहेको पनि धरान उपमहानगरले प्रस्ट पारेको छ।
