काठमाडौं । एनएमबि लघुवित्त वित्तीय संस्थाले संस्थापक र सर्वसाधारण समूहको शेयर स्वामित्व परिमार्जन गर्ने भएको छ। यसका लागि संस्थाले १० प्रतिशत संस्थापक शेयर साधारण सेयरमा परिणत गर्ने भएको छ।
संस्थाको सञ्चालक समितिको शुक्रबार (वैशाख १४ गते) बसेको बैठकले संस्थापक र सर्वसाधारणको शेयर स्वामित्व परिमार्जन गर्ने निर्णय गरेको हो। यसका लागि नेपाल राष्ट्र बैंकसमक्ष पूर्वस्वीकृतिका लागि अनुरोध गर्ने निर्णय पनि संस्थाले गरेको छ।
शेयर स्वामित्व परिमार्जन गरेपछि संस्थामा संस्थापक समूहको ६० प्रतिशत र सर्वसाधारणको ४० प्रतिशत कायम हुनेछ। हाल संस्थामा संस्थापक समूहको ७० प्रतिशत र सर्वसाधारणको ३० प्रतिशत रहेको छ।
